Shynynda da ózimizge de ońaı bolmaıyn dep tur. Óıtkeni qatty aıaz kele jatyr. Osyǵan baılanysty Qyrǵyzstannyń Syrtqy ister mınıstrligi qyrǵyz azamattarǵa aldaǵy úsh kúnde Qazaqstanǵa barýǵa tyıym saldy.
Jol boıy qalyń qar jáne qatty aıaz bolǵandyqtan mınıstrlik avtokólikpen qazaq jerine jolǵa shyqpaýdy ótinedi. Óıtkeni taıaýdaǵy úsh kúnde qazaq jerinde aıaz kúshine minedi. Kún sýytady. Burqasyn bolady.
21-22 jeltoqsan kúnderi respýblıkanyń birqatar jerlerinde aýanyń temperatýrasy -40 gradýsqa deıin tómendeýi múmkin. Bul aqparatty Qazaqstannyń Tótenshe jaǵdaı departamenti de rastap otyr. Ásirese, Astanada -30-32, Aqmola oblysynda 30-33, Qaraǵandy oblysynda -33-38 gradýsqa deıin aýa temperatýrasy tómendeıdi. Sondyqtan kúnniń sýyqtyǵyna oraı Qyrǵyzstannyń Syrtqy ister mınıstrligi aldaǵy úsh kúnde qyrǵyzstandyq jolaýshylarǵa Qazaqstan terıtorıasy arqyly jol júrmeýdi ótinedi.
